DUDE, WHERE'S MY CAR? (Part 1)

AHHH, KOTSE —

Bawat pinoy gustong magka-kotse.

Sino nga bang hindi?

Pagmay-kotse ka, maliit lang ang mundo. Kahit saan mo gustuhin makakapunta ka, kahit dis-0ras ng gabi, basta lang may gas.

Hindi kana pipila sa terminal ng 30 minutos para lang makasakay. Hindi mo na rin kailangang makipagbalyahan sa ibang pasahero kapag rush hour na para bang isa kang kalahok ng “Amazing Race”. Graduate ka na rin sa holdapan at sa mga snatcher. At syempre, dahil hindi lahat ng pinoy kayang magkasasakyan, status symbol na rin daw ang may kotse.

Ang sarap diba? Mobility, safety, status and freedom from public transportation.

Kaya lahat handang umutang ng malaki sa mga bangko at financial institutions sa halagang kasing presyo na ng maliit na bahay at lupa para lang magkakotse.

Kung makakita ka ng kotse sa daan, malamang, hindi pa fully paid ang mga yan (isama mo na yung sa akin hehe).

Ngunit papaano kung bigla kang nagkasakit at hindi sumuweldo ng ilang buwan? O mawalan ka ng trabaho? Papaano kung biglang may emergency gastos na hindi inaasahan? Papano na ang kotse mong ipinagkakaalagaan kung hindi ka agad makabayad?

Bago ko sagutin ang mga malulupit nyong tanong, tignan muna natin papaano ba maglabas ng inyong pangarap na sasakyan sa mga autodealers. Sa inyong mga nakailangang kuha na ng sasakyan, ay alam na alam na ang mga ito. Pero sa mga virgins, lend me your eyes:

First. May sapat kang disposable income buwan-buwan para pambayad ng hulog or amortization. Eto ang formula: Kita bawas buwanang gastos (pagkain, utilities, etc.) = disposable income.

At dapat maganda credit standing mo. Ang mga bangko ay nagbuo ng credit mapping (C-Map) facility para malaman kung meron kayong kaso patungkol sa pagbabayad ng utang. Nagsasagawa rin sila ng credit checking sa ibang bangko para malaman kung anong klase kang debtor. Kadalasan ay tinitignan nila ang credit card records mo. Kung wala kang palya sa pagbayad buwan-buwan, malamang approve ang application mo.

Second. Kung pasado sa isinagawang credit investigation ng bangko, ay susunod na ang contract signing. Pero teka, huwang mong isipin na basta-basta ka na lang pipirma ng kontrata at makukuha mo agad ang bago mong sasakyan. Ano ka sinuswerte? (hehe) Meron tinatawag na equity ang bangko. Ang maari lang ipautang sayo ay umaabot ng 70%-50% halaga ng sasakyan. So let’s say P1M ang halaga ng sasakyan, P700K lang ang papautang sa iyo. E kanino manggagaling ang kulang na P300K? Edi kanino pa, e di sa’yo.

So bago ka pumirma ng kontrata at maranasan ang amoy ng bagong sasakyan, kailangan mo munang maglabas ng pang-down payment.       

Third. At buti na lang pinaghandaan mo to kaya’t  may pang-down payment ka na. Ilang buwan ka rin nagtiis sa galungong at instant noodles para dito.

Ayan na magpipirmahan na.

Oops, nacho fast. Pwera siguro kung balak mo lang i-display ang kotse sa sala ng bahay mo katabi ng iyong TV set at hindi mo ilalabas sa kalye, kailangan mo siyang iparehistro sa LTO.

Yap, tama ka ulit, gastos ka nanaman. Registration ng bagong sasakyan ay 3 taon ang coverage kaya medyo masakit din sa bulsa. Pero ok lang, isipin mo na lang ang instant 1,000 pogi points ng bagong auto. Bayad ka ulit.

Eto na talaga, contract signing na!

Pero teka, pano kung bigla kang banggain ng mga tarantadong bus driver sa EDSA at mga humaharurot na dyip na byaheng Cubao? Sa tingin mo papayagan ka ng bangko ilabas yan ng hindi insured? Tumpak ka nanaman, kailangan mo ulit magbayad ng insurance premium. Siguro sa puntong ito ay dumudugo na ang bulsa mo. Pumikit ka ulit at inisip mo  ang siksikan sa dyip at holdapan sa fx. Eto, todo na talaga to, at iniabot ang pambayad ng insurance premium.

Finally. Eto wala nang kokontra, pipirmahan mo na talaga ang kontrata at wala nang makakapigil sa iyo. Unang inabot sa iyo ay ang “Promissory Note”. Nakalagay lang dun magkano utang mo at magkano babayaran mo buwan-buwan. Matapos pirmahan, sunod na ibinigay ang “Deed of Chattel Mortgage“. “Formality” lang daw, sabi ng manager ng bangko. Nakalagay lang naman dun na may utang ka at gagawing collateral ang bago mong sasakyan. At oo nga pala, nakalagay din doon na kukunin nila ang sasakyan mo kapag hindi ka nakabayad ng kahit isang buwan lang.

What?! Oo, tama ang nabasa mo. Bukod dun ay nakalagay rin na hindi mo pwedeng ibenta ang sasakyan hangga’t walang pahintulot sa kanila at dapat kumuha ka ng insurance taon-taon at iparehistro yon sa LTO kapag malapit na mag expire at iba pang probisyon ng kontrata na hindi mo maintindihan at alam dahil abogado ang gumawa (remember the quote in the blog’s header?).

Wala eh, napasubo ka na. Panindigan mo na rin. Wari nagtatanong ka na kung ano napasukan mo. Kaya ngayon, hindi ka makapaghintay na basahin ang susunod na post ni Tito Boy tungkol sa paksang ito.

Pero bago yan…attend muna ako ng hearing sa Mandaluyong. Kaya hanggang sa muli.

————————

“Driving a brand new car feels like driving around in an open billfold with the dollars flapping by your ears as they fly out the window”  – Grey Livingston

7 responses to “DUDE, WHERE'S MY CAR? (Part 1)

  1. Maganda talagang pag-isipan muna ang mga bagay na ito kung kakayanin ba talaga o hindi mahirap ng mapasubo.
    Salamat ulit sa impormasyon.

  2. Hindi pa natatapos diyan ferdz. Sa susunod na post, malalaman natin gano kabilis makukuha sa atin ng mga bangko ang pinaghirapang sasakyan kapag pumalya sa pagbayad.

  3. eekkk ang hirap naman naman magka kotse !

    hihintayin ko pa yun next post🙂

  4. eekkk ang hirap naman magka kotse !

    hihintayin ko pa yun next post🙂

  5. Magandang abiso ‘to!!! Ang galiing ng blog mo!

  6. 2nd hand na lang kaya bilhin ko para walang problema sa bangko…cash pa…heheh problema lang maintenance…
    Kaya dapat pagkumuha ka sa bangko nang kahit ano… basahin mo muna blog ni Tito Boy….
    hintayin ko ung next post….

  7. Naku xtremus24 ingat ka sa mga na-“Ondoy” na second hand cars. Kapag rizal, marikina ang address ng may ari, wag magbasakali.